2.7 കിലോമീറ്റർ നീളമുള്ള റൺവേയുള്ള വ്യോമതാവളത്തിന് യുദ്ധവിമാനങ്ങൾ,ഗതാഗത വിമാനങ്ങൾ, ഹെലികോപ്റ്ററുകൾ എന്നിവ പ്രവർത്തിപ്പിക്കാൻ കഴിയും. വ്യോമതാവളത്തിൻ്റെ അനുബന്ധ അടിസ്ഥാന സൗകര്യങ്ങളിൽ ഹാംഗറുകൾ, എയർ ട്രാഫിക് കൺട്രോൾ കെട്ടിടങ്ങൾ, ഹാർഡ്സ്റ്റാൻഡിങ് (വാഹനങ്ങളും വിമാനങ്ങളും പാർക്ക് ചെയ്യുന്നതിനുള്ള കടുത്ത പ്രതല ങ്ങൾ) എന്നിവ ഉൾപ്പെടുന്നു. 2020 ഏപ്രിൽ-മേയ് മാസങ്ങളിൽ ആരംഭിച്ച് കഴിഞ്ഞ വർഷം പരിഹരിച്ച യഥാർഥ നിയന്ത്രണ രേഖയിൽ (എൽ.എ.സി) ചൈനയുമായുള്ള സൈനിക സംഘർഷത്തിനിടെ, നിയോമ വ്യോമതാവളത്തെ യുദ്ധപ്രവർത്തനങ്ങൾക്കായി ഒരു പൂർണതാവളമാക്കി ഉയർത്തുന്നതിനുള്ള പ്രവർത്തനങ്ങൾ ബിആർഒ ആരംഭിച്ചിരുന്നു.

സൈനിക ആസ്തികളെ വ്യോമാക്രമണങ്ങളിൽനിന്ന് സംരക്ഷിക്കുന്നതിനായി ചൈന പുതിയ വ്യോമതാവളങ്ങൾ, മിസൈൽ സൈറ്റുകൾ, റോഡുകൾ, പാലങ്ങൾ, ഉറപ്പുള്ള ബങ്കറുകൾ, ഭൂഗർഭ സൗകര്യങ്ങൾ, സൈനികർക്കുള്ള പാർപ്പിടങ്ങൾ, വെടിമരുന്ന് ഡിപ്പോകൾ എന്നിവ നിർമിച്ചിട്ടുണ്ട്.

ഇന്ത്യയുടെ അതിർത്തി അടിസ്ഥാന സൗകര്യ വികസനം തന്ത്രപരമായ പദ്ധതികളുടെ ത്വരിതഗതിയിലുള്ള നടപ്പാക്കൽ, ചെലവ് വർധിപ്പിക്കൽ, സൈനിക പ്രവർത്തനങ്ങൾക്ക് പിന്തുണ നൽകുന്ന സാങ്കേതികവിദ്യയും സാങ്കേതിക വിദ്യകളും സ്വീകരിക്കൽ എന്നിവയിൽ ശ്രദ്ധ കേന്ദ്രീകരിച്ചിരിക്കുന്നു.ലേയേക്കാൾ മികച്ചതും പരന്നതുമായ താഴ്വരയിലും യഥാർഥ നിയന്ത്രണ രേഖയോട് (എൽഎസി) അടുത്തും സ്ഥിതി ചെയ്യുന്ന നിയോമ, ഇന്ത്യൻ വ്യോമസേനയുടെ യുദ്ധ, ഗതാഗത പ്രവർത്തനങ്ങൾക്ക് ഒരു പ്രധാന വ്യോമതാവളമാകുമെന്ന് തന്ത്രപരമായ കാര്യ വിദഗ്ധൻ എയർ മാർഷൽ അനിൽ ചോപ്ര പ്രസ്താവിച്ചു.