ഗ്രേ, വൈറ്റ്, ഗ്രീൻ, ഗ്രീൻ ബ്ലാക്ക്, റെഡ് ബ്ലാക്ക് എന്നിവയുൾപ്പെടെ വിവിധ നിറങ്ങളിൽ ഇത് ലഭ്യമാണ്. ഹെവി ലോജിസ്റ്റിക് ആപ്ലിക്കേഷനുകൾക്കായി പ്രത്യേകം രൂപകൽപ്പന ചെയ്‌തിരിക്കുന്ന ലോജിക്‌സ് 150 കിലോഗ്രാം ഭാരമുള്ള ലോഡിംഗ് ശേഷി വാഗ്ദാനം ചെയ്യുന്നു. യാത്രാ സുഖത്തിനായി, ടെലിസ്‌കോപ്പിക് ഫ്രണ്ട് സസ്‌പെൻഷനും സ്പ്രിംഗ്-ലോഡഡ് റിയർ സസ്‌പെൻഷനും ഇതിൽ ഉൾപ്പെടുന്നു. ഒറ്റ ചാർജിൽ 60 മുതൽ 70 കിലോമീറ്റർ വരെ ദൂരം സഞ്ചരിക്കാനുള്ള ശേഷി ഈ സ്‍കൂട്ടർ വാഗ്ദാനം ചെയ്യുന്നു.

ഡിജിറ്റൽ ഡാഷ്‌ബോർഡ്, കീലെസ് എൻട്രി, മൊബൈൽ ചാർജിംഗ്, ആന്റി-തെഫ്റ്റ് ഡിറ്റക്ഷൻ, പ്രോക്‌സിമിറ്റി ലോക്ക് ആൻഡ് അൺലോക്ക്, സൈഡ് സ്റ്റാൻഡ് അലേർട്ട്, റിയൽ-ടൈം വെഹിക്കിൾ ഡയഗ്നോസ്റ്റിക്സ് എന്നിവയുൾപ്പെടെയുള്ള സ്മാർട്ട് പ്രൊട്ടക്ഷൻ സവിശേഷതകളുടെ ഒരു പൂർണ്ണ സ്യൂട്ട് തുടങ്ങിയവ ഈ മോഡലിൽ ഉൾപ്പെടുന്നു. ലോജിക്‌സ് പ്ലാസ്റ്റിക് ബോഡി കൊണ്ടാണ് നിർമ്മിച്ചിരിക്കുന്നത്. രണ്ട് വർഷത്തെ വാഹന വാറണ്ടിയും ഒരു വർഷത്തെ ബാറ്ററി വാറണ്ടിയും ഇതിനുണ്ട്. സ്കൂട്ടറിൽ 90/90–12 ഫ്രണ്ട് ടയറുകളും 90/100–10 പിൻ ടയറും സജ്ജീകരിച്ചിരിക്കുന്നു.

മെച്ചപ്പെട്ട സുരക്ഷാ സവിശേഷതകൾ, സുഗമമായ യാത്ര, പുതിയ യൂട്ടിലിറ്റി-കേന്ദ്രീകൃത രൂപകൽപ്പന എന്നിവ ഉപയോഗിച്ച്, ഈ സ്‌കൂട്ടർ ഡെലിവറി റൈഡർമാർക്കും ചെറുകിട ബിസിനസുകൾക്കും ദൈനംദിന ജോലികൾ എളുപ്പമാക്കുമെന്നും ഈ നവീകരിച്ച മോഡൽ ഇലക്ട്രിക് മൊബിലിറ്റിയിൽ കമ്പനിയുടെ സ്ഥാനം കൂടുതൽ ശക്തിപ്പെടുത്തുമെന്ന് ഉറപ്പുണ്ടെന്നും സീലിയോ ഇ-മൊബിലിറ്റി മാനേജിംഗ് ഡയറക്ടർ കുനാൽ ആര്യ വ്യക്തമാക്കി.