മൊബൈൽ ചിപ്പ് നിർമാതാക്കളായ ക്വാൽകോം, തങ്ങളുടെ ഏറ്റവും പുതിയതും ശക്തവുമായ ഫ്‌ലാഗ്ഷിപ്പ് മൊബൈൽ ചിപ്പ്സെറ്റായ സ്നാപ്ഡ്രാഗൺ 8 എലൈറ്റ് ജെൻ 5 പുറത്തിറക്കി. സ്നാപ്ഡ്രാഗൺ സമ്മിറ്റ് 2025-ൽ വെച്ചാണ് പുതിയ ചിപ്പ് അവതരിപ്പിച്ചു. കഴിഞ്ഞ വർഷത്തെ സ്നാപ്ഡ്രാഗൺ 8 എലൈറ്റിന്റെ പിൻഗാമിയായി എത്തുന്ന ഈ ചിപ്പ്സെറ്റ്, പ്രകടനത്തിലും പുതിയ ഫീച്ചറുകളിലും കാര്യമായ അപ്ഗ്രേഡുകൾ വാഗ്ദാനം ചെയ്യുന്നു. ലോകത്തിലെ ഏറ്റവും വേഗതയേറിയ മൊബൈൽ സിസ്റ്റം-ഓൺ-എ-ചിപ്പ് (SoC) എന്നാണ് ക്വാൽകോം ഇതിനെ വിശേഷിപ്പിക്കുന്നത്.
ടിഎസ്എംസിയുടെ 3nm പ്രോസസ്സിലാണ് സ്നാപ്ഡ്രാഗൺ 8 എലൈറ്റ് ജെൻ 5 നിർമിച്ചിരിക്കുന്നത്. മൂന്നാം തലമുറ ഓറിയോൺ സിപിയു (Oryon CPU) ഉപയോഗിക്കുന്ന ഈ ചിപ്പ്സെറ്റിന് മുൻഗാമിയേക്കാൾ 20% അധികം സിപിയു പ്രകടനവും 35% മെച്ചപ്പെട്ട ഊർജ്ജക്ഷമതയുമുണ്ട്. ഇതിൽ 4.6GHz വേഗതയുള്ള രണ്ട് പ്രൈം കോറുകളും 3.62GHz വേഗതയുള്ള ആറ് പെർഫോമൻസ് കോറുകളും ഉൾപ്പെടെ ഒക്ടാ-കോർ ആർക്കിടെക്‌ചറാണുള്ളത്.
ഗ്രാഫിക്സ്, ഗെയിമിംഗ് രംഗത്തും പുതിയ ചിപ്പ്സെറ്റ് മികവ് പുലർത്തുന്നു. പുതിയ খ ী (Adreno GPU) 23% അധികം പ്രകടനവും 20% മെച്ചപ്പെട്ട ഊർജക്ഷമതയും നൽകുന്നു. റേ-ട്രേസിംഗ് പ്രകടനത്തിൽ 25% വർധനവുണ്ടായിട്ടുണ്ട്. കൺസോൾ നിലവാരത്തിലുള്ള വിഷ്വലുകൾ നൽകുന്ന അൺറിയൽ എഞ്ചിൻ 5 പിന്തുണയും ഇതിലുണ്ട്. ഇമേജിംഗിനായി, Spectra AI ISP ഉപയോഗിച്ചിരിക്കുന്നു. കൂടാതെ, ആപ്പിളിന്റെ പ്രോറെസ് (ProRes) കോഡെക്കിന് സാംസങ്ങിന്റെ മറുപടിയായ അഡ്വാൻസ്‌ഡ് പ്രൊഫഷണൽ വീഡിയോ കോഡെക് പിന്തുണയ്ക്കുന്ന ലോകത്തിലെ ആദ്യത്തെ മൊബൈൽ പ്ലാറ്റ്ഫോം കൂടിയാണിത്.
ഇതിലെ പുതിയ ഹെക്‌സഗൺ എൻപിയു (Hexagon NPU) മുൻഗാമിയേക്കാൾ 37% വേഗതയേറിയതാണെന്ന് ക്വാൽകോം അവകാശപ്പെടുന്നു. കൂടാതെ, ഉപയോക്താക്കളുടെ ദിനചര്യകളും മുൻഗണനകളും സംഭാഷണങ്ങളും അടിസ്ഥാനമാക്കി ശുപാർശകൾ നൽകുകയും പ്രവർത്തിക്കുകയും ചെയ്യുന്ന 'ക്വാൽകോം പേഴ്‌സണൽ സ്ക്രൈബ്', 'പേഴ്‌സണൽ ഗ്രാഫ്' തുടങ്ങിയ പുതിയ എഐ (AI) ഫീച്ചറുകളും അവതരിപ്പിച്ചു. സാംസങ് ഗാലക്സി എസ്‌26 സീരീസ്, വൺപ്ലസ് 15, ഷവോമി 17 സീരീസ്, റിയൽമി ജിടി8 പ്രോ, വിവോ എക്സ്300 അൾട്ര, ഓപ്പോ ഫൈൻഡ് എക്സ്9 അൾട്ര തുടങ്ങിയ മുൻനിര സ്മാർട്ട്ഫോണുകളിൽ പുതിയ സ്നാപ്ഡ്രാഗൺ 8 എലൈറ്റ് ജെൻ 5 ചിപ്പ്സെറ്റ് കരുത്തുപകരും.
