വരും നാളുകളിൽ ശ്രീകൃഷ്ണനെയും അർജുനനെയും മഹാഭാരതത്തെയും കുറിച്ചുള്ള സിനിമകൾ നമ്മൾ കാണും’ അദ്ദേഹം പറഞ്ഞു. നിർമാതാവ് നമിത് മൽഹോത്ര രാമായണ സിനിമാറ്റിക് യൂണിവേഴ്സ് പ്രഖ്യാപിച്ചതിന് തൊട്ടുപിന്നാലെയാണ് മുഖ്യമന്ത്രിയുടെ ഈ പ്രഖ്യാപനം. ഹനുമാനെ കേന്ദ്ര കഥാപാത്രമാക്കി സണ്ണി ഡിയോളിനെ നായകനാക്കി ഒരു സ്വതന്ത്ര ചിത്രം ഉൾപ്പെടെ നിരവധി സ്പിൻ-ഓഫ് ചിത്രങ്ങളാണ് ഈ യൂണിവേഴ്സിൽ ആസൂത്രണം ചെയ്തിരിക്കുന്നത്.

ശൂർപ്പണഖ, ജടായു, ഇന്ദ്രജിത്ത്, അംഗദൻ തുടങ്ങിയ പ്രധാന കഥാപാത്രങ്ങളെ കേന്ദ്രീകരിച്ചുള്ള ചിത്രങ്ങളും പരമ്പരകളും ഇതിൽ ഉൾപ്പെടും. രൺബീർ കപൂർ ശ്രീരാമനായും സായി പല്ലവി സീതയായും യാഷ് രാവണനായും സണ്ണി ഡിയോൾ ഹനുമാനായും രവി ദുബെ ലക്ഷ്മണനായും എത്തുന്ന ചിത്രം രണ്ട് ഭാഗങ്ങളായിട്ടാണ് ഒരുക്കുന്നത്.