2003-ലാണ് മമത ഇതിന് മുമ്പ് അഭിഭാഷകയായി കോടതി മുറിയിൽ വാദം ഉന്നയിച്ചിട്ടുളളത്. അത് കൊൽക്കത്ത ഹൈക്കോടതിയിൽ ആയിരുന്നുവെന്നാണ് തൃണമൂൽ കോൺഗ്രസ് നേതാക്കൾ പറയുന്നത്. ജോഗേഷ് ചന്ദ്ര ലോ കോളേജിൽ നിന്നായിരുന്നു മമത ബാനർജി നിയമ പഠനം പൂർത്തിയാക്കിയത്.അതിനുശേഷം ദീർഘകാലം കൊൽക്കത്ത കേന്ദ്രീകരിച്ച് പ്രാക്ടീസ് ചെയ്തിരുന്നു.

സുപ്രീംകോടതിയിൽ ഗൗൺ അണിഞ്ഞ് മമത വാദം ഉന്നയിക്കുമോ എന്ന ആകാംക്ഷ നില നിന്നിരുന്നു. എന്നാൽ, ഇന്ന് കോടതിയിൽ മമത ഗൗൺ അണിഞ്ഞിരുന്നില്ല. കോട്ടൺ സാരി ആയിരുന്നു വേഷം. കഴുത്തിൽ ഒരു കറുത്ത ഷോൾ ഇട്ടിരുന്നു. ട്രേഡ് മാർക്കായ ഹവായ് ചെരിപ്പും ധരിച്ചാണ് മമത കോടതിയിലെത്തിയത്.വൈകാരികവും വികാരഭരിതവുമായാണ് തന്റെ വാദം ഉന്നയിച്ചത്.

ബഹുമാനപൂർവവും എന്നാൽ, ശക്തവുമായ വാദങ്ങളിൽ ദൃഢനിശ്ചയവും പോരാട്ടവീര്യവും നിറഞ്ഞുനിന്നു. വാദിക്കാൻ അനുവദിച്ചതിന് ചീഫ് ജസ്റ്റിസിന് ഉൾപ്പടെ നന്ദി പറഞ്ഞ ശേഷമാണ് മമത കോടതി മുറി വിട്ടത്.