പ്രണയത്തിലായിരുന്ന രവിതയും അമർദീപും ചേർന്ന് അമിത്തിനെ വധിക്കാൻ പദ്ധതിയിടുകയായിരുന്നു. ഇതിനായി ഒരാളിൽനിന്ന് പാമ്പിനെ വാങ്ങി ഇവർ ഒരു കണ്ടെയ്നറിൽ സൂക്ഷിച്ചുവച്ചു. തുടർന്ന് ഇരുവരും ചേർന്ന് അമിത്തിനെ കഴുത്തുഞെരിച്ച് കൊലപ്പെടുത്തിയശേഷം അദ്ദേഹത്തിന്റെ മൃതദേഹത്തിന് അടിയിൽ പാമ്പിനെ ഇടുകയായിരുന്നു. ഇതോടെ പാമ്പുകടിച്ചാണ് അമിത് മരിച്ചതെന്ന് തുടക്കത്തിൽ ബന്ധുക്കൾ കരുതി. എന്നാൽ അമിത്തിന്റെ കഴുത്തിൽ പരുക്കുകളും ശരീരത്തിൽ ചതഞ്ഞ പാടുകളും കണ്ടതോടെ പൊലീസിന് സംശയം തോന്നുകയായിരുന്നു.പാമ്പുകടിയേറ്റല്ല, കഴുത്തുഞെരിച്ചതോടെ ശ്വാസംമുട്ടിയാണ് അമിത് മരിച്ചതെന്ന് പോസ്റ്റ്മോർട്ടത്തിലും തെളിഞ്ഞു.തുടർന്ന് നടത്തിയ അന്വേഷണത്തിൽ വിഷപ്പല്ല് നീക്കം ചെയ്ത്‌ത പാമ്പിനെയാണ് വീടിനുള്ളിൽ കണ്ടെത്തിയതെന്നും വ്യക്തമായി. തുടർന്ന് നടത്തിയ ചോദ്യംചെയ്യലിൽ ഇരുവരും കുറ്റംസമ്മതിക്കുകയായിരുന്നു.