സോളാർ ഫാമുകൾക്ക് കൂടുതൽ നേരം വൈദ്യുതി ഉത്പ്പാദിപ്പിക്കാനും, ദുരന്തബാധിത പ്രദേശങ്ങളിൽ വെളിച്ചം വീശാനും, രക്ഷാപ്രവർത്തനത്തിൽ സഹായിക്കുകയും ചെയ്യുന്ന ഒരു ഓൺ - ഡിമാൻഡ് സേവനത്തിലേക്ക് സൂര്യപ്രകാശം കൊണ്ടുവരികയാണ് ലക്ഷ്യമെന്ന് കമ്പനി പറയുന്നു. ഉദ്ഘാടന ദൗത്യം 2027 പകുതിയോടെ ആരംഭിക്കുമെന്ന് കമ്പനി അറിയിച്ചു.2035ഓടെ 50,000 ഉപഗ്രഹങ്ങൾ നിർമിക്കുകയാണ് റിഫ്ലക്ട് ഓർബിറ്റലിന്റെ ലക്ഷ്യം. സൂര്യനിൽ നിന്ന് പ്രതിഫലിപ്പിക്കുന്ന വെളിച്ചം ചന്ദ്രന്റെ പ്രകാശത്തിന് സമാനമായിരിക്കുമെന്നാണ് കമ്പനി പറയുന്നത്. ഡെമോസ്ട്രേഷൻ ഉപഗ്രഹമായ ഇയർൻഡിൽ-1 ആണ് പദ്ധതിക്കായി ഉപയോഗിക്കുക. ഉപഭോക്താക്കൾക്ക് ആപ്പുകൾ ഉപയോഗിച്ച് സൂര്യപ്രകാശം ലഭിക്കാനുള്ല പ്രദേശം തിരഞ്ഞെടുക്കാൻ സാധിക്കുമെന്നും കമ്പനി വിശദീകരിച്ചു.