മറ്റൊരു ഫുഡ് ഡെലിവറി പ്ലാറ്റ്ഫോമായ സ്വിഗ്ഗി ജിഎസ്ടി ഉൾപ്പെടെ 14.99 രൂപ ഡെലിവറി ഫീസായി ഈടാക്കുന്നുണ്ട്. കഴിഞ്ഞ വർഷം സെപ്‌തംബറിലാണ് സൊമാറ്റോ അവസാനമായി നിരക്ക് കൂട്ടിയത്.

പശ്ചിമേഷ്യൻ പ്രതിസന്ധിയെത്തുടർന്ന് ക്രൂഡ് ഓയിൽ, എൽപിജി വിലയിലുണ്ടായ വർധനവ് ഡെലിവറി ചെലവുകളെ ബാധിച്ചതാണ് പ്രധാന കാരണമായി ചൂണ്ടിക്കാണിക്കപ്പെടുന്നത്.അതേസമയം തൽക്കാലം ഡെലിവറി ഫീ കൂട്ടാനില്ലെന്ന് മൂന്നാമത്തെ വലിയ പ്ലാറ്റ്ഫോമായ മാജിക്‌പിൻ വ്യക്തമാക്കി. നിലവിൽ ഓരോ ഓർഡറിനും 14.20 രൂപയാണ് മാജിക്‌പിൻ പ്ലാറ്റ്ഫോം ഫീസായി ഈടാക്കുന്നത്. "ഭക്ഷണ വിതരണ മേഖല ചിലവ് വർദ്ധിക്കുന്ന കടുത്ത പ്രതിസന്ധിയിലൂടെ കടന്നുപോകുമ്പോഴും, പ്ലാറ്റ്ഫോം ഫീസ് വർധിപ്പിക്കേണ്ടതില്ലെന്ന് ഞങ്ങൾ തീരുമാനിച്ചു. റസ്റ്റോറന്റ് പങ്കാളികളെ പിന്തുണയ്ക്കാനും ഉപഭോക്താക്കൾക്ക് താങ്ങാനാവുന്ന നിരക്കിൽ ഭക്ഷണം ലഭ്യമാക്കാനുമാണ് ഈ തീരുമാനം" സിഇഒ അൻഷു ശർമ പറഞ്ഞു.