രൂപത്തിലും ഭാവത്തിലും ആകെ മൊത്തം രൂപകൽപ്പനയിലും ഇവി മോഡൽ അതിന്റെ പെട്രോൾ, ഡീസൽ സഹോദരങ്ങളുമായി വളരെ സമാനമാണ്. എന്നാൽ ഏറ്റവും ശ്രദ്ധേയമായ മാറ്റം മുൻവശത്താണ്, അതിൽ കിയ EV5-പ്രചോദിതമായ ഒരു നോസും ക്ലോസ് ചെയ്ത ഗ്രില്ലും ഫ്രണ്ട് പാനലിൽ സംയോജിപ്പിച്ച ചാർജിംഗ് പോർട്ടും നമുക്ക് കാണാം.

സ്‌റ്റാൻഡേർഡ് മോഡലിൽ നിന്നുള്ള നേർത്ത അപ്പർ എയർ ഇൻലെറ്റും മൂടപ്പെട്ടിട്ടുണ്ട്, കൂടാതെ ഇവിയിലെ ഫോഗ് ലാമ്പുകൾ ഇപ്പോൾ താഴത്തെ ബമ്പറിൽ ഇടംപിടിക്കുന്നു. വശങ്ങളിൽ, ഏറ്റവും വ്യത്യസ്തമായ അപ്ഡേറ്റ് എന്നത് പുതിയ ഇവി സ്പെക്ക് അലോയി വീലുകളാണ്, അവ വളരെ മനോഹരമായി കാണപ്പെടുന്നു.

അകത്തേക്ക് നീങ്ങുമ്പോൾ, ക്യാബിൻ ലേയൗട്ട് പരിചിതമായി തോന്നുന്നു, പക്ഷേ കുറച്ച് സ്മാർട്ട് മാറ്റങ്ങൾ ഇതിൽ വരുത്തിയിട്ടുണ്ട്. 12.3 ഇഞ്ച് ഇൻഫോടെയിൻമെന്റ് സിസ്റ്റ‌ം, എട്ട് സ്‌പീക്കർ ബോഷ് സൗണ്ട് സിസ്റ്റം, വയർലെസ് ഫോൺ ചാർജർ തുടങ്ങി നിരവധി ഫീച്ചറുകളുണ്ട് ഇലക്ട്രിക് എംപിവിയിൽ. വാഹനത്തിന്റെ സെന്റർ കൺസോൾ പുനർരൂപകൽപ്പന ചെയ്തിട്ടുണ്ട്, മുമ്പ് ഗിയർ ലിവർ ഇടംപിടിച്ചിരുന്ന സ്ഥാനത്ത് ഇപ്പോൾ ഒരു സ്റ്റോറേജ് ബിൻ ആണ് വരുന്നത്, കൂടാതെ എക്സ്റ്റെന്റഡ് ആംറെസ്റ്റ‌് ഏരിയയിൽ അധിക സ്റ്റോറേജ് സ്പെയ്സും പുതിയ ബട്ടൺ കൺട്രോളുകളും ഉൾപ്പെടുന്നു. സാധാരണ കാരൻസിൽ നിന്നുള്ള ഡ്യുവൽ -സ്ക്രീൻ സജ്ജീകരണം ഇവിയിലും നിലനിർത്തിയിട്ടുണ്ട്, കൂടാതെ മൊത്തത്തിലുള്ള ഡാഷ്ബോർഡ് ഡിസൈൻ ക്ലീനും കാര്യക്ഷമവുമായി തുടരുന്നു.

റൂഫിൽ ഘടിപ്പിച്ച പിൻ എസി വെന്റുകൾ, ആംബിയന്റ് ലൈറ്റിംഗ്, ട്വിൻ ഡിജിറ്റൽ ഡിസ്പ്ലേകൾ, എല്ലാ യാത്രക്കാർക്കും ത്രീ-പോയിന്റ് സീറ്റ് ബെൽറ്റുകൾ, പനോരമിക് സൺറൂഫ് എന്നിവയാണ് മറ്റ് പ്രധാന സവിശേഷതകൾ. ടീസറിൽ സ്ഥിരീകരിച്ച മറ്റൊരു ശ്രദ്ധേയമായ സവിശേഷത വെഹിക്കിൾ-ടു-ലോഡ് (V2L) സാങ്കേതികവിദ്യയാണ്, ഇത് കാറിന്റെ ബാറ്ററി ഉപയോഗിച്ച് ചെറിയ ഇലക്ട്രോണിക് ഉപകരണങ്ങൾക്ക് പവർ നൽകാൻ ഉപഭോക്താക്കളെ അനുവദിക്കുന്നു.