ലോകത്തിലെ ഏറ്റവും വലിയ ഡിജിറ്റൽ ക്യാമറ അവതരിപ്പിച്ച് യുഎസ് ഡിപ്പാർട്ട്മെൻ്റ് ഓഫ് എനർജിയുടെ ഓഫീസ് ഓഫ് സയൻസ്. ‘ലെഗസി സർവേ ഓഫ് സ്പേസ് ആൻഡ് ടൈം’ (LSST) എന്ന പേരിലാണ് ക്യാമറ പുറത്തിറക്കിയത്.മൂന്ന് ഭീമൻ ലെൻസുകളാണ് ക്യാമറയിൽ സജ്ജമാക്കിയിട്ടുള്ളത്. അഞ്ച് അടിയിലധികം വ്യാസമുള്ള ലെൻസ് ഉപയോഗിച്ച് വളരെ സൂക്ഷ്മമായ ചിത്രങ്ങളെടുക്കാവുന്നതാണ്. മൂന്ന് ടൺ ഭാരമാണ് ഈ കൂറ്റൻ ക്യാമറയ്ക്കുള്ളത്. 3,200 മെഗാപിക്സൽ റെസല്യൂഷൽനാണ് LSST നൽകുന്നത്. ലോകത്ത് ആദ്യമായാണ് ഇത്രയും റെസല്യൂഷനുള്ള ക്യാമറ അവതരിപ്പിക്കുന്നത്. 15 സെക്കൻഡാണ് എക്സ്പോഷർ ടൈമും ലെൻസ് സ്വിച്ചിംഗും ഉപയോഗിച്ച് രാത്രി ആകാശത്തിന്റെ വിശാലമായ പ്രദേശങ്ങളെ അറിയാനും ചിത്രങ്ങൾ പകർത്താനും LSST-യ്ക്ക് സാധിക്കും.യുഎസ് ഡിപ്പാർട്ട്മെൻ്റ് ഓഫ് എനർജിയുടെ ഓഫീസ് ഓഫ് സയൻസിന്റെ സഹായത്തോടെയാണ് LSST നിർമ്മിച്ചത്. ബഹിരാകാശ പര്യവേഷണത്തിനും പ്രപഞ്ചത്തിന്റെ അത്ഭുതപൂർവമായ, നേരിയ മാറ്റങ്ങളെ കണ്ടെത്താനും അവ്യക്തമായിട്ടുള്ള തമോഗർത്തങ്ങളെ കുറിച്ചുള്ള പഠനത്തിലേക്കും പുതിയ കണ്ടെത്തൽ വെളിച്ചം വീശുന്നു.കോടിക്കണക്കിന് ഗാലക്സികളുടെയും ആകാശ വസ്തുക്കളുടെയും ചിത്രമെടുക്കാൻ എൽഎസ്എസ്ടി ക്യാമറയ്ക്ക് സാധിക്കുമെന്നാണ് ശാസ്ത്രജ്ഞരുടെ പ്രതീക്ഷ.ഡാർക് മാറ്ററിനെ കുറിച്ച് കൂടുതൽ പഠനങ്ങൾ നടത്താൻ പുത്തൻ ക്യാമറ സംവിധാനം സഹായിക്കുമെന്ന വിലയിരുത്തലിലാണ് ശാസ്ത്രലോകം.